Back زمالة غوغنهايم Arabic زمالة جوجنهايم ARZ Грант Гугенхайма Byelorussian Guggenheimovo stipendium Czech Guggenheim-Stipendium German Υποτροφίες Γκούγκενχαϊμ Greek Guggenheim Fellowship English Beca Guggenheim Spanish John Simon Guggenheim Memorial Foundation beka Basque کمک‌هزینه گوگنهایم Persian

Cymrodoriaeth Guggenheim

Cymrodoriaeth Guggenheim
Enghraifft o'r canlynolysgoloriaeth, digwyddiad blynyddol Edit this on Wikidata
Mathgwobr academaidd Edit this on Wikidata
Dechrau/Sefydlu1925 Edit this on Wikidata
Enw brodorolGuggenheim Fellowship Edit this on Wikidata
GwladwriaethUnol Daleithiau America Edit this on Wikidata
Gwefanhttp://www.gf.org/applicants/, https://www.gf.org/about/fellowship/ Edit this on Wikidata
Tudalen Comin Ffeiliau perthnasol ar Gomin Wicimedia

Un o'r grantiau ariannol a wobrwyir yn flynyddol gan Sefydliad Coffa John Simon Guggenheim yn Unol Daleithiau America yw Cymrodoriaeth Guggenheim (Saesneg: Guggenheim Fellowship) a roddir am waith creadigol yn y celfyddydau neu ymchwil mewn unrhyw faes academaidd. Mae'r gwobrau yn rhoi arian i'r enillwyr deithio, i wneud gwaith ymchwil, neu fel arall i gyflawni eu prosiectau ysolheigaidd a chreadigol.[1] Rhennir y cymrodoriaethau yn ddwy raglen, un ar gyfer trigolion yr Unol Daleithiau a Chanada, a'r llall ar gyfer dinasyddion o wledydd America Ladin a'r Caribî.

Ffurfiwyd Sefydliad Coffa John Simon Guggenheim yn Chwefror 1925, gyda'i bencadlys yn Efrog Newydd, gan y dyn busnes Simon Guggenheim (1867–1941), cyn-Seneddwr o'r Blaid Weriniaethol, a'i wraig Olga Hirsh Guggenheim (1877–1970) er cof am eu mab John Simon a fu farw yn 17 oed. O'r cychwyn, pwrpas y sefydliad oedd i wobrwyo ysgoloriaethau "i hyrwyddo datblygiad a ac ymlediad gwybodaeth a dealltwriaeth, a gwerthfawrogiad harddwch drwy gynorthwyo—heb wahaniaethu ar sail hil, lliw, na chred—ysgolheigion, gwyddonwyr, ac artistiaid o'r ddwy ryw wrth ganlyn eu hymdrechion".[2] Rhoesant waddoliad o $3 miliwn i sefydlu'r cymrodoriaeth, a oedd ar y cychwyn yn agored i drigolion yr Unol Daleithiau yn unig. Ym 1940, daeth Canadiaid hefyd yn gymwys ar gyfer y wobr honno. Ym 1929, sefydlwyd yr ail raglen, yn agored i "ddinasyddion gwledydd eraill Hemisffer y Gorllewin" (hynnyw yw, yr Amerig), gydag $1 miliwn yn ychwanegol oddi ar y Guggenheims. Bu dinasyddion o'r Philipinau hefyd yn gymwys ar gyfer cymrodoriaethau o 1925 i 1988.[3] Yn sgil marwolaeth Simon Guggenheim, etifeddodd y sefydliad ei ystâd weddilliol, a fe'i olynwyd yn llywydd gan ei weddw. Byddai Olga Guggenheim hefyd yn cymynroddi'r rhan fwyaf o'i hystâd—$40 miliwn—i'r sefydliad.[2]

Ymhlith yr enwogion sydd wedi ennill Cymrodoriaeth Guggenheim mae'r cyfansoddwr Aaron Copland (1925, 1926), y cemegydd Linus Pauling (1926), y bardd Hart Crane (1931), y seicolegydd B. F. Skinner (1942), y ffotograffydd Ansel Adams (1946), yr awdur John Cheever (1951, 1960), y cerddor jazz Charles Mingus (1971), yr athronydd Richard Rorty (1973), y gwyddonydd gwleidyddol Kenneth Waltz (1976), y nofelydd Margaret Atwood (1981), a'r hanesydd John Lewis Gaddis (1986),

  1. ↑ James D. Hart a Phillip W. Leininger, The Oxford Companion to American Literature, 6ed argraffiad (Rhydychen: Oxford University Press, 1995), t. 262.
  2. ↑ 2.0 2.1 (Saesneg) "Guggenheim, Olga H. (1877–1970)", Women in World History: A Biographical Encyclopedia. Adalwyd ar Encyclopedia.com ar 11 Tachwedd 2023.
  3. ↑ (Saesneg) "History", John Simon Guggenheim Memorial Foundation. Adalwyd ar 11 Tachwedd 2023.

Developed by StudentB